Një sulm fizik i një portieri ndaj policit në fushë i ka kushtuar të gjithë futbollit uruguaian, i cili është ndalur për 10 ditë.
Ngjarja ka ndodhur gjatë ndeshjes Penarol dhe Nacional në kryeqytetin Montevideo. Portieri i ekipit Nacional, Jorge Bava u arrestua për grushtim në fytyrë të policit në detyrë. Ndalesa është zyrtarizuar nga presidenti i Federatës së futbollit të Uruguait, Bauza.
Dhuna ka shpërthyer edhe në tribuna, ndërsa një person ka mbetur i lënduar rëndë nga plagosja me armë ndërmjet grupeve të tifozëve të të dy ekipeve që përbëjnë derbin e madh të këtij vendi.
“Jemi marrë vesh (me ministrin e brendshëm) që të marrim vendim dhe të dërgojmë sinjal se ka kufij që duhen respektuar. Ajo çka ndodhi nuk guxon të përsëritet”, tha Bauza.
